Avstraliya sentyabr ayında Fələstini dövlət olaraq tanıyacaq.
Oxu.Az "The Canberra Times"a istinadən xəbər verir ki, bunu Avstraliyanın Baş naziri Antoni Albaniz deyib.
O bildirib ki, bu hadisə BMT-nin Baş Assambleyasının sentyabrda keçiriləcək iclasında baş verəcək.
Lakin Avstraliyanın baş naziri Fələstin hökumətində HƏMAS-ın yer almasının qəti əleyhinə çıxıb.
Antoni Albaniz Qəzzanın silahsızlaşdırılması və yeni seçkinin keçirilməsini də vacib olduğunu vurğulayıb.
Qeyd edək ki, bundan əvvəl bir sıra ölkələr, o cümlədən, Fransa, Böyük Britaniya, Kanada Fələstini tanıyacaqlarını bəyan etmişdilər.
