Cey Di Vens: "Qrenlandiya Danimarkadan ayrılmaq istəyir"

"Qrenlandiya xalqı Danimarkadan müstəqillik əldə etmək istəyir".

Oxu.Az-ın xəbərinə görə, bu sözləri ABŞ-nin vitse-prezidenti Cey Di Vens "Newsmax" telekanalına müsahibəsində deyib.

O qeyd edib ki, adanın ABŞ ilə münasibətləri yalnız bu statusun əldə edilməsindən sonra müzakirə oluna bilər.

"Mən hesab edirəm ki, onlar Danimarkadan müstəqillik əldə etmək istəyirlər. Onlar bunu etdikləri zaman ABŞ ilə münasibətlərinin necə olacağı barədə danışa bilərik", - deyə vitse-prezident əlavə edib.

Bu şərhlərin Prezident Donald Trampın Qrenlandiyanın ABŞ-yə mümkün birləşdirilməsinə olan marağı fonunda ortaya çıxması diqqəti cəlb edir. O, 2024-cü ilin dekabrından bəri bu barədə fikirlərini ifadə edir. Bununla belə, Qrenlandiyada heç bir siyasi partiya və ada əhalisinin böyük əksəriyyəti belə bir ideyanı dəstəkləmir.