ABŞ Prezidenti Donald Tramp, Danimarka və Qrenlandiyanın baş nazirləri Mette Frederiksen və Yens-Frederik Nilsen adada ABŞ-nin hərbi mövcudluğunu genişləndirməyə imkan verən saziş imzalayıblar.
Oxu.Az "İzvestiya"ya istinadən xəbər verir ki, imzalanma Nyu-Yorkda BMT Baş Assambleyasının 81-ci sessiyası çərçivəsində baş tutub.
Tramp bildirib ki, saziş çərçivəsində ABŞ adanın təhlükəsizliyinə nəzarəti maliyyə xərci olmadan əldə edir və Pentaqon dərhal böyük hərbi kontingentin yerləşdirilməsinə başlayacaq.
Amerikalı lider bildirib ki, Qrenlandiya və Danimarka ilə sazişdən sonra ölkələr uzunmüddətli perspektivdə fantastik münasibətlər gözləyirlər. O, Danimarka və Qrenlandiyanın baş nazirlərinə təşəkkür edib və qarşılıqlı əlaqələrin təhlükəsizlik üzərində qurulacağını qeyd edib.
