Çili hava məkanını pozan təyyarəyə görə qırıcılar səmaya qaldırılıb

Çili ordusu ölkənin hava məkanının naməlum obyektlər tərəfindən pozulduğunu iddia edərək ölkənin cənub bölgəsindəki Punta Arenas hava bazasından döyüş təyyarələrini səmaya qaldırıb.

Oxu.Az "Haber Global"a istinadən xəbər verir ki, hadisədən dərhal sonra Çili Daxili İşlər Naziri Karolina Toha açıqlama ilə çıxış edib.

O bildirib ki, hazırda ölkənin hava məkanının şəxsi, yoxsa xarici dövlətin təyyarələri tərəfindən pozulduğu aydınlaşdırılır.