İraq Xarici İşlər Nazirliyi Kopenhagendəki səfirliyi qarşısında İraqın dövlət bayrağının və Quranın yandırılması ilə bağlı aksiyanı kəskin şəkildə pisləyib.
Kopenhagen polisi isə yandırılan kitabın Quran olduğunu təsdiqləməyib. Onlar bildiriblər ki, İraq səfirliyi qarşısında “Danimarka Vətənpərvərləri” qrupundan iki nəfər nəsə bir kitab yandırıb.
Növbətçi polis zabiti Henrik Sveystrupun sözlərinə görə, İraq bayrağına ziyan dəyməsi ilə bağlı heç bir fakt da qeydə alınmayıb.
Hadisə ilə bağlı polis tərəfindən heç bir araşdırma aparılmayıb. “Çünki cinayət hadisəsi baş verməyib: bir adam özünə məxsus kitabı yandırıb və bu, qanunsuz bir şey deyil. Üstəlik, bu, rəsmi qeydə alınmış nümayiş idi”, - deyə bildirilib.
12:43
Kopenhagendə İraqın Danimarkadakı səfirliyinin binası qarşısında aksiya keçirilib, Quran yandırılıb.
Məlumata görə, təxribat “Danske Patrioter” (“Danimarka vətənpərvərləri”) qruplaşmasının üzvləri tərəfindən təşkil edilib.
Ekstremistlər aksiyanı sosial şəbəkə hesabları vasitəsilə canlı yayımlayıblar. Təxribatı Bağdaddakı İsveç səfirliyinə hücuma etiraz olaraq təşkil etdiklərini bildiriblər.
Qeyd edək ki, aksiya polisin ciddi mühafizəsi altında və media nümayəndələrinin iştirakı ilə keçirilib.
Mənbə: Anadolu, Ritzau
Rəylər