Diktator xalqından üzr istədi

Dünən istefasını elan etmiş Əlcəzair prezidenti Əbdüləziz Buteflika xalqa müraciət edib. 

RİA Novosti -nin məlumatına görə, o öz çıxışında hakimiyyətdə olduğu illərdə xalqı üçün çalışdığını və bu zaman ərzində hər hansı bir xətaya yol vermiş olduğunu da istisna etməyib:

“Mən adi insanam, səhv edə bilərəm”

Ə.Buteflika 20 il ölkəyə rəhbərlik etdiyindən qürur duyduğunu bildirib.

“Siyasəti tərk edirəm, ancaq ölkənin gələcəyi üçün narahat deyiləm. Əminəm ki, yeni rəhbərliklə ölkədə islahatları davam etdirəcəksiniz və Əlcəzair daha da inkişaf edəcək”.

Qeyd edək ki, 20 il ardıcıl hakimiyyətdə olan 82 yaşlı Ə.Buteflika ölkədə uzun müddət davam edən etirazlar fonunda istefa verib.