ABŞ Prezidenti Donald Tramp Respublikaçı konqresmenlərə müraciət edərək, Hərb Nazirliyi üçün əlavə maliyyə ayrılmasını nəzərdə tutan qanun layihəsinin irəli sürülməsini və təsdiqlənməsini tələb edib.
Oxu.Az xəbər verir ki, bu barədə Ağ Ev lideri "Truth Social" platformasındakı paylaşımında qeyd edib.
"Mən Konqresdəki respublikaçıları dərhal 350 milyard dollarlıq "Recon 3.0" qanun layihəsini təqdim etməyə və qəbul etməyə çağırıram. Oyunsuz, ləngimədən, bunu ən qısa zamanda həyata keçirin!" - deyə paylaşımda qeyd olunub. Onun sözlərinə görə, Pentaqonun tələbi əsasında sənədə "Amerikanın xilası aktı" ("The save America act") da daxil ediləcək.
Amerika Birləşmiş Ştatlarının rəhbəri izah edib ki, "Recon 3.0" layihəsinin qəbulu ümumi hərbi büdcənin 1.5 trilyon dollara çatdırılması üçün zəruridir.
"Biz "Qızıl günbəz" vasitəsilə vətənimizi qoruyacaq, yenilməz "Qızıl donanma" yaradacaq, "F-47" və "B-21"lə səmalarda hökmranlıq edəcək, döyüş sursatı anbarlarımızı əhəmiyyətli dərəcədə dolduracaq, eləcə də ABŞ Kosmik Qüvvələrinin və PUA-ların mütləq üstünlüyünə nail olacağıq", - deyə prezident əlavə edib.
ABŞ-nin hərb naziri Pit Heqset Trampın bu paylaşımını öz hesabında D.Trampa cavab yazıb:
"Təşəkkür edirəm, cənab Prezident. Hərb Nazirliyi bunu həyata keçirəcək".
