Elbrus dağında bir turist gözlənilmədən ölüb.
Oxu.Az xəbər verir ki, bu barədə Kabarda-Balkariya üzrə İstintaq Komitəsinin idarəsi məlumat yayıb.
"Rusiya Federasiyası İstintaq Komitəsinin Kabarda-Balkariya Respublikası üzrə istintaq orqanları tərəfindən Elbrus dağında turistin ölümü faktı ilə bağlı ilkin istintaq yoxlaması təşkil edilib", - deyə məlumatda bildirilib.
İlkin məlumatlara əsasən, iyulun 11-də iki bələdçinin müşayiəti ilə dörd turistdən ibarət qrup Elbrusa yürüş edib. Geri qayıdan zaman iştirakçılardan birinin halı pisləşib və o, qəfil ölüb Hazırda onun meyiti dağdan endirilir. Qeyd olunub ki, qrupun digər üzvlərinin həyatı üçün heç bir təhlükə yoxdur.
Müstəntiqlər hadisənin təfərrüatını aydınlaşdırırlar, müvafiq məhkəmə-tibbi ekspertizası təyin olunub.
