Rusiya imperatoru II Nikolayın kolleksiyasından Faberjenin "Qış yumurtası" Londonda 19,5 milyon funt sterlinqə (25,7 milyon dollar) satılıb və bu növ zərgərlik əşyası üçün yeni rekord müəyyənləşdirib.
Oxu.Az xəbər verir ki, bu barədə "Christie's"də keçirilən satışdan sonra hərrac mütəxəssisi Yu Ge Van məlumat verib.
O əlavə edib ki, komissiya da daxil olmaqla, alıcı əşya üçün 22,9 milyon funt sterlinq (30,2 milyon dollar) ödəyəcək.
Qeyd edək ki, "Qış yumurtası" II Nikolayın anası, imperatriça Mariya Feodorovnaya 1913-cü il Pasxa bayramı üçün hədiyyə edilib. Yumurtanın gövdəsi qaya büllurundan hazırlanıb, içərisi brilyantlarla bəzədilib.
