Filippində 24 saat ərzində iki güclü zəlzələ baş verdi

Filippinin Mindanao adasında 5.7 maqnitudalı zəlzələ qeydə alınıb.

Oxu.Az-ın məlumatına görə, bu barədə Avropa-Aralıq dənizi Seysmoloji Mərkəzi məlumat yayıb.

Bildirilir ki, yeraltı təkanların episentri təxminən 5 000 nəfər əhalisi olan Siokondan 7 km şimal-şərqdə yerləşib. Ocaq 10 km dərinlikdə olub.

Xəsarət alanlar və dağıntılar barədə hələ ki məlumat daxil olmayıb.

Qeyd edək ki, bundan əvvəl Leyte adasında zəlzələ baş vermişdi. Seysmoloqların məlumatına görə, həmin təkanların gücü də 5.7 bal təşkil edib.