"Haber Global": "Fələstinli əsir İsrail həbsxanasında gördüklərindən danışdı"

Bazar günü Qəzzada atəşkəs qüvvəyə minib, ardınca isə İsraillə HƏMAS arasında ilk girov mübadiləsi baş tutub. Həm üç israilli girov qadın, həm də İsrail həbsxanalarından azad edilən 90 fələstinli ailələrinə qovuşub".

Oxu.Az xəbər verir ki, bu barədə "Haber Global"ın videomaterialında bildirilir.

"Bizi döyür, gözyaşardıcı qazdan istifadə edir, başımıza oyun açırdılar. Qəfil kameraya girib gözyaşardıcı qaz atıb bizi təhqir edirdilər. Yemək, duz, heç nə yox idi. Cəhənnəmi tərk etdim, indi cənnətdəyəm", - deyə fələstinli əsirlərdən biri deyib.

"5 aydır həbsdəyəm. Müharibədən sonra həbsxanada vəziyyət çox pis idi. Əvvəllər də yaxşı deyildi, indi isə daha pisdir. Qadın məhbuslar güclüdür, mümkün olmayana nail olmağa çalışırlar", - azad edilən digər fələstinli əsir qeyd edib.

Süjetdə vurğulanıb ki, müqavilənin 42 gün davam edəcək birinci mərhələsi ümumilikdə 33 israilli girov və 1904 fələstinli məhbusun azad edilməsini nəzərdə tutur.

"Haber Global": "Fələstinli əsir İsrail həbsxanasında gördüklərindən danışdı"