Hakan Fidan HƏMAS Siyasi Bürosunun üzvləri ilə görüşüb

Türkiyənin Xarici işlər naziri Hakan Fidan HƏMAS Şura Məclisinin sədri Məhəmməd Dərviş İsmayıl və HƏMAS Siyasi Bürosunun üzvləri ilə görüşüb.

Oxu.Az xəbər verir ki, bu barədə Türkiyə XİN-in rəsmi "X" hesabında məlumat verilib.

Görüş zamanı bölgədəki, xüsusilə Qəzzanın şimalındakı humanitar vəziyyət müzakirə edilib.

H.Fidan Qəzzada baş verən humanitar fəlakətə qarşı beynəlxalq ictimaiyyəti səfərbər etmək üçün diplomatiyanın bütün imkanlarından istifadə edəcəklərini bildirib.

Görüşdə, həmçinin girovların mübadiləsinə imkan verəcək atəşkəs razılaşmasının əldə edilməsi üçün aparılan danışıqlarda son vəziyyət müzakirə olunub.

Bundan başqa, görüş zamanı fələstinlilər arasındakı barışıq prosesinə də toxunulub. H.Fidan bu mövzuda bu yaxınlarda Misirin ev sahibliyi ilə Qahirədə keçirilən görüşü yüksək qiymətləndirdiyini deyib.

Sayın Bakanımızın Hamas Şura Meclisi Başkanı ve Siyasi Büro Üyeleri ile Görüşmesi Hk. https://t.co/Vwg5P18xvv pic.twitter.com/nqgsVDEaEP

— T.C. Dışişleri Bakanlığı (@TC_Disisleri) October 18, 2024