Azərbaycan Premyer Liqası: "Qarabağ" "Kəpəz"i böyük hesabla məğlub edib

Azərbaycan Premyer Liqasının X turunda "Qarabağ" səfərdə "Kəpəz"i böyük hesabla məğlub edib.

Oxu.Az-ın məlumatına görə, Tovuz şəhər stadionunda baş tutan qarşılaşma Ağdam təmsilçisinin 5:0 hesablı üstünlüyü ilə başa çatıb.

Qolları Emmanuel Addai (17), Aleksey İsayev (51), Leandro Andrade (52), Toral Bayramov (67) və Aleksey Kaşuk (78) vurub.

Turnir cədvəlinə liderlik edən Qurban Qurbanovun komandası bu qələbədən sonra xallarının sayını 24-ə çatdırıb. Gəncə klubu isə 3 xalla sonuncu pillədədir.

Qeyd edək ki, X turun digər oyunları oktyabrın 19-20-də gerçəkləşəcək.

18 oktyabr, 09:54

Azərbaycan Premyer Liqasında ikinci dövrəyə bu gün bir oyunla start veriləcək.

Oxu.Az xəbər verir ki, X turun ilk qarşılaşması Tovuz şəhər stadionunda baş tutacaq.

21 xalla turnir cədvəlinə başçılıq edən "Qarabağ" 3 xalla sonuncu - onuncu pillədə qərarlaşan "Kəpəz"in qonağı olacaq.

Görüşü Rəvan Həmzəzadənin başçılıq etdiyi hakimlər briqadası idarə edəcək.

Azərbaycan Premyer Liqası

II dövrə, X tur

18 oktyabr

18:00. "Kəpəz" - "Qarabağ"

Hakimlər: Rəvan Həmzəzadə, Cəmil Quliyev, Asiman Əzizli, Əkbər Əhmədov.

VAR: Kamal Umudlu.

AVAR: Şirmamed Mamedov.

Hakim-inspektor: Ramil Diniyev.

AFFA nümayəndəsi: Erkin Hüseynov.

Tovuz şəhər stadionu.

Qeyd edək ki, X turun digər oyunları oktyabrın 19-20-də gerçəkləşəcək.