HƏMAS-ın İsrailə hücumu nəticəsində ölənlərin sayı 700-ü ötüb - YENİLƏNİB

Oktyabrın 7-də Fələstinin HƏMAS radikal təşkilatı silahlılarının Qəzza zolağından hücumu nəticəsində həlak olan israillilərin sayı 700-ü ötüb.

Bu barədə İsrailin dövlət radiosu məlumat yayıb.

Bildirilib ki, daha 2200-dən çox İsrail sakini zərər çəkib.

16:20

Oktyabrın 7-də Fələstinin HƏMAS radikal təşkilatı silahlılarının Qəzza zolağından İsrail şəhərlərinə hücumundan sonra həlak olan israillilərin sayı 600-ü ötüb, 2000-dən çox insan isə yaralanıb.

Bu barədə “Kan” dövlət televiziya və radio şirkəti məlumat yayıb. İsrail rəsmiləri bu rəqəmlərin yekun olmadığını, ölən və yaralananların sayının artmağa davam edəcəyini vurğulayırlar.

15:44

Oktyabrın 7-də Fələstinin HƏMAS radikal təşkilatı silahlılarının Qəzza zolağından İsrailə hücumundan sonra həlak olan israillilərin sayı 400-ü ötüb, 2000-dən çox insan yaralanıb.

Bu barədə “Kan” dövlət televiziya və radio şirkəti məlumat yayıb.

09:17

HƏMAS-ın İsrailə qarşı genişmiqyaslı hücumları nəticəsində ölənlərin sayı artıb.

İsrail ərazisinə atılan 3 mindən çox raket 300 nəfərin ölümünə, 1 500 yerli sakinin xəsarət almasına səbəb olub.

Öz növbəsində İsrailin Baş naziri Benyamin Netanyahu mühasirədə olan Qəzza zolağının sakinlərini bölgəni tərk etməyə çağırıb və HƏMAS-ın mövcud olduğu bütün əraziləri xarabalığa çevirəcəklərini bildirib.

Netanyahu Qəzza zolağından hücuma cavab olaraq “Dəmir Qılınclar” əməliyyatının birinci mərhələsinin başa çatdığını və terrorçuların əksəriyyətinin məhv edildiyini açıqlayıb.