Nepal-Hindistan sərhədində etirazlar başlayıb, nəzarət-buraxılış məntəqələri bağlanıb.
Oxu.Az xəbər verir ki, bu barədə "India Today" telekanalı məlumat yayıb.
Məlumata görə, etirazçılar polis postlarını yandırıblar.
Qeyd edək ki, Nepalın paytaxtı və digər şəhərlərində iki gündür hökumət əleyhinə iğtişaşlarla müşayiət olunan nümayişlər keçirilir. Ölkənin Baş naziri Şarma Oli istefa verib.
Nepalı bürüyən kütləvi etirazlar səbəbindən Hindistan-Nepal sərhədində yüksək hazırlıq rejimi tətbiq edilib.
Oxu.Az-ın ANI agentliyinə istinadən xəbərinə görə, bu barədə Hindistan polisinin nümayəndəsi Pravin Parkaş məlumat verib.
"Biz yüksək hazırlıq vəziyyətindəyik və durumu izləyirik", - deyə o bildirib.
ANI-nin məlumatına görə, hazırda sərhəd yük maşınlarının hərəkəti üçün bağlanıb.
