Futbol üzrə Azərbaycan millisi 2026-cı ildə keçiriləcək dünya çempionatının seçmə mərhələsində Ukrayna ilə üz-üzə gəlib.
Oxu.Az xəbər verir ki, Tofiq Bəhramov adına Respublika stadionunda keçirilən qarşılaşma 1:1 hesablı bərabərliklə yekunlaşıb.
51-ci dəqiqədə Georgi Sudakov fərqlənməklə qonaqları hesabda irəli çıxarıb. Yığmamız məğlubiyyətdən 72-ci dəqiqədə xilas ola bilib. Emin Mahmudov əllə oyuna görə təyin olunan penaltini qola çevirib. Yarımmüdafiəçi rəqib torunu silkələməklə tarixi rekorda imza atıb.
O, millinin heyətində 15-ci dəfə fərqlənməklə ən məhsuldar futbolçu kimi Qurban Qurbanovun 14 qolluq rekordunu yeniləyib.
Qeyd edək ki, Azərbaycan yığması D qrupundakı ilk matçda səfərdə İslandiyaya 5 cavabsız qolla uduzub. Ukrayna isə Fransaya 0:2 hesabı ilə məğlub olub.
Daha çox foto burada: PhotoStock.az
Azərbaycan milli komandası oyunda hesabı bərabərləşdirib.
Oxu.Az xəbər verir ki, matçın 72-ci dəqiqəsində millimizin üzvü Emin Mahmudov penaltidən dəqiq zərbə endirib - 1:1.
Matçda hesab açılıb.
Oxu.Az xəbər verir ki, ikinci hissənin ilk dəqiqələrində qonaqların heyətində Georgi Sudakov fərqlənib - 0:1.
DÇ-2026-nın Avropa zonası üzrə seçmə mərhələsində Bakıda keçirilən Azərbaycan - Ukrayna oyununda ikinci hissə başlayıb.
Oxu.Az xəbər verir ki, Tofiq Bəhramov adına Respublika Stadionunda təşkil edilən görüşdə hələlik hesab açılmayıb.
Qeyd edək ki, qarşılaşmanı Yunanıstandan olan hakimlər briqadası idarə edir.
Matçda ilk hissə başa çatıb.
Oxu.Az xəbər verir ki, gərgin keçən birinci hissədə bir neçə qol epizodu olsa da, komandalar fərqlənə bilməyiblər - 0:0.
Futbol üzrə milli komandamız 2026-cı ildə keçiriləcək dünya çempionatının seçmə mərhələsinin ikinci turu çərçivəsində doğma meydanda Ukrayna seçməsi ilə üz-üzə gəlir.
Oxu.Az xəbər verir ki, Tofiq Bəhramov adına Respublika stadionunda keçirilən oyun başlayıb.
DÇ-2026-nın Avropa zonası üzrə seçmə mərhələsində bu gün Bakıda üz-üzə gələcək Azərbaycan və Ukrayna yığmalarının start heyətləri açıqlanıb.
Oxu.Az xəbər verir ki, komandalar saat 20:00-da Tofiq Bəhramov adına Respublika Stadionunda start götürəcək matçda meydana aşağıdakı heyətlərlə çıxacaqlar:
Azərbaycan: 1. Şahrudin Məhəmmədəliyev, 3. Elvin Cəfərquliyev, 4. Bəhlul Mustafazadə, 5. Anton Krivotsyuk, 14. Elvin Bədəlov, 21. Qismət Alıyev, 8. Emin Mahmudov, 15. Abdula Xaybulayev, 10. Mahir Emreli, 19. Nəriman Axundzadə, 9. Renat Dadaşov.
Baş məşqçi əvəzi: Ayxan Abbasov.
Ukrayna: 12. Anatoli Trubin, 2. Yuxim Konoplya, 13. İlya Zabarnı, 17. Aleksandr Zinçenko, 22. Mikola Matvienko, 6. İvan Kalyujnı, 7. Vladislav Vanat, 8. Georgi Sudakov, 14. Oleq Oçeretko, 19. Artyom Bondarenko, 20. Aleksandr Zubkov.
Baş məşqçi: Sergey Rebrov.
Futbol üzrə milli komandamız 2026-cı ildə keçiriləcək dünya çempionatının seçmə mərhələsinin ikinci turu çərçivəsində doğma meydanda Ukrayna seçməsi ilə üz-üzə gələcək.
Oxu.Az xəbər verir ki, görüş saat 20:00-da Tofiq Bəhramov adına Respublika stadionunda keçiriləcək.
Qeyd edək ki, milli komandamız ilk oyunda səfərdə İslandiya seçməsinə 0:5 hesabı ilə məğlub olmuşdu.
9 sentyabr
DÇ-2026 seçmə mərhələsi
II tur
Saat 20:00, Azərbaycan - Ukrayna.
