ABŞ Silahlı Qüvvələrinin Mərkəzi Komandanlığı (CENTCOM) İran hərbçiləri tərəfindən "F-15" qırıcısının vurulması barədə yayılan məlumatlara münasibət bildirib.
Oxu.Az xəbər verir ki, CENTCOM "X" sosial şəbəkəsindəki səhifəsində təyyarənin itirilməsi ilə bağlı iddiaları təkzib edib.
"Yalan: İran rejiminin yaxın vaxtlarda İran üzərində ABŞ-yə məxsus "F-15" qırıcısını vurduğu barədə şayiələr yayılır. Həqiqət: "Epik qəzəb" əməliyyatı çərçivəsində ABŞ qüvvələri 8 000-dən çox döyüş uçuşu həyata keçirib. İran ABŞ-yə məxsus heç bir qırıcı təyyarəni vurmayıb", - bəyanatda deyilir.
Tehran Hörmüz adasının cənubunda, İran və Birləşmiş Ərəb Əmirliklərinin (BƏƏ) ərazi suları arasında ABŞ-yə məxsus "F-15" tipli qırıcının vurulmasını əks etdirdiyi iddia olunan video yayıb.
Oxu.Az bu barədə "Pars Today" agentliyinə istinadən xəbər verir.
Məlumata görə, təyyarə İran sahillərindəki hədəflərə zərbə endirmək məqsədilə döyüş uçuşu həyata keçirirmiş.
Lakin qırıcı İranın Hava Hücumundan Müdafiə (HHM) sistemləri tərəfindən hədəfə alınaraq vurulub.
