İran XİN rəhbəri BAEA-nın İdarə Heyətini təcili iclasa çağırıb

İranın xarici işlər naziri Abbas Əraqçi Beynəlxalq Atom Enerjisi Agentliyinin (BAEA) baş direktoru Rafael Qrossini İsrailin ölkənin nüvə obyektlərinə hücumu ilə əlaqədar qurumun Rəhbərlər Şurasının təcili iclasını keçirməyə çağırıb.

Oxu.Az xəbər verir ki, bu barədə TASS məlumat verib.

"İranın xarici işlər naziri Abbas Əraqçı BAEA-nın baş direktoru Rafael Qrossiyə məktub göndərərək, onu İsrailin İranın nüvə obyektlərinə hücumlarını kəskin şəkildə pisləməyə çağırıb", - İran XİN-in bəyanatında bildirilir.

İran XİN rəhbəri, həmçinin Qrossini bu vəziyyəti nəzərdən keçirmək məqsədilə İdarə Heyətinin fövqəladə iclasını çağırmaq üçün təcili addımlar atmağa səsləyib.

Xatırladaq ki, iyunun 13-də gecə saatlarında İsrail İranın bir sıra nüvə obyektlərinə və paytaxt Tehrana zərbələr endirib. Bir neçə yüksəkvəzifəli hərbçi və nüvə alimləri həlak olublar.