İraqın Niderlanddakı səfirliyində yanğın baş verib

Niderlandın Haaqa şəhərində İraq səfirliyinin binasında yanğın baş verib.

Oxu.Az xəbər verir ki, bu barədə NOS telekanalı məlumat yayıb.

Qeyd olunur ki, işçilər binanı tərk edə biliblər. Bir nəfər tüstüdən zəhərlənərək təcili tibbi yardıma müraciət edib.

Məlumata görə, yanğın damda başlayıb. Ehtiyat tədbiri olaraq yaxınlıqdakı orta məktəbdən şagirdlər təxliyə edilib.

Yanğının səbəbi barədə hələlik məlumat verilmir. Hadisə yerində yanğınsöndürənlər işləyir.