İrəvanın Açapnyak inzibati rayonunda baş verən silahlı insidentdə doqquz nəfər yaralanıb, daha bir nəfər isə xəstəxanada ölüb.
Oxu.Az Ermənistan KİV-ə istinadən xəbər verir ki, yeddi nəfər tibb mərkəzinə çatdırılıb, onlardan biri orada dünyasını dəyişib, daha iki nəfərin vəziyyəti ağırdır.
Atəş avtomat və tapançadan açılıb. Bir qrup şəxsə qarşı adam öldürməyə cəhd, silah və sursatların qanunsuz saxlanması, gəzdirilməsi və istifadəsi maddəsi ilə cinayət işi başlanıb. Atışma yerində bir neçə giliz, bıçaq və güllə izləri olan "Lexus" markalı avtomobil aşkar edilib.
Qeyd olunur ki, polis yaralananların və ölən şəxsin, həmçinin avtomobil sahibinin şəxsiyyətini müəyyənləşdirir.
Ermənistanın paytaxtı İrəvanın Açapnyak inzibati rayonunda atışma baş verib.
Bu barədə Oxu.Az Ermənistan KİV-ə istinadən xəbər verir.
Məlumata görə, atışma nəticəsində bir nəfər ölüb, 10 yaralı var. Yaralılardan ikisinin vəziyyəti ağır olaraq qiymətləndirilir.
Ermənistan Daxili İşlər Nazirliyindən bildirildiyinə görə, hazırda əməliyyat-axtarış tədbirləri keçirilir, detallar barədə daha sonra açıqlama veriləcək.
