İsrail ordusu: "Qəzzanın cənubunda hərbi əməliyyatlar yekunlaşıb"

İsrail Müdafiə Ordusu (SAXAL) Qəzza zolağının cənubunda aparılan əməliyyatların başa çatdığını açıqlayıb.

Oxu.Az xəbər verir ki, məlumatı SAXAL-ın Mətbuat Xidməti yayıb.

Məlumatda, həmçinin qeyd olunub ki, anklavda aparılan əməliyyat zamanı uzunluğu təxminən altı kilometr olan altı tunel məhv edilib.

Məlumat üçün əlavə edək ki, İsrail ordusu HƏMAS silahlılarını zərərsizləşdirmək üçün keçən il oktyabrın 13-də Qəzza zolağına daxil olduğunu elan etmişdi.