İsrail Qəzza zolağına aviazərbələr endirdi

İsrail aviasiyası Qəzza sektorunda “Həmas” hərəkatına məxsus iki hərbi dəniz və bir ədəd yeraltı terror infrastrukturuna zərbələr endirib. 

Oxu.Az “RİA Novosti” agentliyinə istinadla xəbər verir ki, aviazərbələr fələstinlilərdən ibarət qrupun sərhədi keçərək, İsrail ordusuna məxsus postu yandırmasına cavab olaraq həyata keçirilib. 

“Bundan başqa, hücumlar İsrail ərazisində yanğın törətmək məqsədilə pilotsuz uçuş aparatlarının alınmasına cavab kimi də qiymətləndirilə bilər”, - İsrail ordusunun mətbuat xidmətinin məlumatında deyilir. 

Fələstinin “Əl-Ray” agentliyi bir müddət öncə məlumat verib ki, İsrail bombardmançılarının hədəfləri arasında limandakı iki kater də olub. 

ABŞ-ın səfirliyini Qüdsə keçirməsi ilə Qəzza sektorunda etiraz aksiyaları başlayıb. İsrail ordusunun etirazçılara atəş açması nəticəsində azı 60 fələstinli həlak olub. 

İsrail tərəfi “Həmas”ı Qəzza sektorunun ərazisində istənilən aqressiv fəaliyyətdə məsuliyyətli hesab edir. 

www.oxu.az