İsrail Qəzzaya çadırların çatdırılmasının qarşısını alır?

İsrail dağıntıların aradan qaldırılması üçün ağır texnikanın, çadırların və daşınan evlərin Qəzza zolağına çatdırılmasının qarşısını alır.

Oxu.Az xəbər verir ki, bu barədə Qətərin "Al Jazeera" telekanalının məlumatında deyilir.

Telekanalın məlumatına görə, 60 min daşınan evin heç biri indiyə kimi Qəzzaya göndərilməyib. Ora 200 min çadırın yalnız on faizi çatdırılıb.

BMT-nin məlumatına əsasən, Qəzza zolağındakı binaların 69 faizi məhv edilib və ya dağıdılıb, oradakı 1.8 milyondan çox insanın müvəqqəti sığınacağa ehtiyacı var.