İsrailli girovların ikinci qrupu azad edildi - YENİLƏNİB + VİDEO

HƏMAS israilli girovların ikinci qrupunu azad edib.

Məlumata görə, girovlar Beynəlxalq Qırmızı Xaç Cəmiyyətinə təhvil veriliblər.

Bildirilir ki, azad olunanların 13-ü İsrail, 7-si isə əcnəbi ölkələrin vətəndaşlarıdır.

İsrailli girovların ikinci qrupu azad edildi - YENİLƏNİB + VİDEO

Mənbə: TASS

25.11.2023, 21:08

Fələstinin HƏMAS hərəkatının hərbi qanadı Əl-Qəssam Briqadaları İsrail tərəfi atəşkəs razılaşmasının şərtlərinə əməl edənə qədər ikinci qrup israilli girovların azad edilməsini təxirə salıb.

Bu barədə təşkilatın “Telegram” kanalında verdiyi bəyanatda deyilir.

HƏMAS Siyasi Bürosunun rəhbərinin media üzrə müşaviri Taher əl-Nunu şənbə günü “Əl-Cəzirə” telekanalına müsahibəsində deyib ki, İsrail Qəzza zolağında atəşkəs razılaşmasını dəfələrlə pozub.

Onun sözlərinə görə, israillilər yük maşınlarının ölkəyə girişi ilə bağlı müqavilənin müddəalarına da əməl etmirlər.

20:30

HƏMAS-ın hərbi qanadı ikinci qrup israilli girovları Qırmızı Xaç Cəmiyyətinə təhvil verməyə başlayıb.

Tərəflər arasında müvəqqəti atəşkəs razılaşması noyabrın 24-ü səhər saatlarında qüvvəyə minib. Həmin gün girovların ilk partiyası azad edilib.

Beləliklə, Qırmızı Xaç Qəzza zolağından 24 əsirdən ibarət qrupun azad edildiyini təsdiqləyib. Onların arasında 12 israillidən əlavə, 12 Tailand vətəndaşı da var.

Öz növbəsində Qətər Xarici İşlər Nazirliyi İsrail həbsxanalarından 39 fələstinli qadın və uşağın azad edildiyini təsdiqləyib.

Mənbə: iz.ru

13:30

İsrail bu gün girovların ikinci qrupunu qəbul etməyə hazırlaşır.

Bu barədə Baş nazir Benyamin Netanyahunun ofisi bildirib.

Məlumata görə, İsrail azad edilməsi planlaşdırılan girovların siyahısını alıb. Siyahı yoxlandıqdan sonra İsrail təhlükəsizlik qüvvələri girovların ailələrinə məlumat verib.

Yerli medianın məlumatına görə, siyahıda 13 ad var. Onların əksəriyyəti uşaqdır.

Xatırladaq ki, bundan əvvəl uşaqlı analar və qoca qadınlardan ibarət 13 girov 49 günlük əsirlikdən sonra Həmas tərəfindən azad edilmişdi.

İsrail tərəfinin məlumatına görə, HƏMAS və digər qruplaşmalar 40-a yaxın uşaq olmaqla, 240-a yaxın adamı oğurlayıblar. Netanyahunun ofisi medianı ehtiyatlı davranmağa və İsrailə qayıtmazdan əvvəl siyahıda olanların adlarını dərc etməkdən çəkinməyə çağırıb.

Mənbə: rus.err.ee