İsveçrənin Bazel şəhərində legionelyoz infeksiyasının yayılması nəticəsində 26 nəfər yoluxub, bir nəfər isə həyatını itirib.
Oxu.Az SRF telekanalına istinadən xəbər verir ki, son iki həftə ərzində 25 nəfər xəstəxanaya yerləşdirilib.
Xəstələrdən yeddisinin vəziyyəti ağır olduğundan onlar reanimasiya şöbəsində müalicə alırlar.
Yerli rəsmilərin ehtimalına görə, infeksiyanın əsas mənbəyi ofis binalarından birinin damında yerləşən su soyutma sistemi ola bilər.
Məlumat üçün qeyd edək ki, legionelyoz ("legioner xəstəliyi") Legionella bakteriyasının törətdiyi və əsasən isti su sistemlərində inkişaf edən ağır pnevmoniya növüdür.
İnsanlar adətən tərkibində bu bakteriyalar olan su buxarını nəfəs yolu ilə qəbul etdikdə yoluxurlar.
Mütəxəssislər bildirirlər ki, legionelyoz bir insandan digərinə keçmir.
