Kanadanın seçilmiş hökumət başçısından ABŞ-nin tərkibinə daxil olma məsələsinə reaksiya

"Kanada heç vaxt ABŞ-nin tərkibinə daxil olmayacaq".

Oxu.Az-ın "RIA Novosti"yə istinadən verdiyi məlumata görə, bu barədə, Kanadanın hakim Liberal Partiyasının yeni lideri, yaxın vaxtlarda ölkənin baş naziri olacaq Mark Karni bəyan edib.

"ABŞ heç də Kanada deyil və Kanada heç vaxt, heç bir şəkildə və ya formada ABŞ-nin bir hissəsi olmayacaq. Bu mübahisəni biz başlamamışıq... Ticarətdə də hokkeydə olduğu kimi, Kanada qalib gələcək", - deyə siyasətçi qeyd edib.

Xatırladaq ki, Karni Kanadanın hakim Liberal Partiyasının yeni lideri seçilib və bu onu ölkənin gələcək baş naziri edir.