Türkiyədə məhkəmə qərarı ilə Kemal Kılıçdaroğlunun yenidən Cümhuriyyət Xalq Partiyasının (CHP) sədri elan edilməsindən sonra partiyanın baş qərargah binasının boşaldılması prosesi başlayıb.
Oxu.Az Türkiyə KİV-ə istinadən xəbər verir ki, hüquqi addımların ardınca partiya binasında qarşıdurma və gərgin anlar yaşanıb.
Kılıçdaroğlunun vəkili Celal Çelik Ankara valiliyinə və paytaxtın polis idarəsinə rəsmi müraciət edərək baş qərargah binasının boşaldılmasını tələb edib.
Vəkil Çelikin təqdim etdiyi ərizədə aşağıdakı ifadələr yer alıb: "CHP-nin təmsil səlahiyyəti Kemal Kılıçdaroğluna aid olmasına baxmayaraq, əvvəlki partiya rəhbərliyi inadkar şəkildə baş qərargah binasını boşaltmayıb".
CHP baş qərargahında yaşanan təxliyə gərginliyindən sonra məhkəmə qərarı ilə partiya sədri vəzifəsindən uzaqlaşdırılmış Özgür Özel binanı tərk edib.
