Kim Çen In yenidən Koreya İşçi Partiyasının (KİP) baş katibi seçilib.
Oxu.Az xəbər verir ki, bu barədə Pxenyanda yerləşən Koreya Mərkəzi Xəbər Agentliyi (KCNA) məlumat yayıb.
IX qurultayda partiya üzvləri Kim Çen Inın baş katib vəzifəsinə yenidən seçilməsini tam dəstəkləyərək təsdiqləyiblər. Bu qərarın son beşillik mübarizənin qiymətləndirilməsi, həmin dövrdə baş vermiş "möhtəşəm" dəyişiklikləri və əldə olunmuş "böyük nəticələr" ilə bağlı olduğu bildirilir. Kim Çen Inın adı Şimali Koreya xalqının seçimi və iradəsinin simvolu kimi təqdim edilir.
Qurultayda qeyd olunub ki, Şimali Koreya lideri ən görkəmli siyasətçidir və o, qeyri-adi ideologiya, müdriklik, nadir rəhbərlik qabiliyyəti ilə partiyanı və xalqı vahid qələbə yoluna aparacaq. Onun ölkəyə, inqilaba və tarixə göstərdiyi xidmətlər böyükdür.
Qurultayın qətnaməsində qeyd olunub ki, Kim Çen In ideyalarını rəhbər tutaraq, partiyanın inqilabi xarakterinə ardıcıl şəkildə sadiq qalmaq üçün KİP-in quruluşunda və fəaliyyətində köklü dəyişiklik edib.
