Konqo Demokratik Respublikasında Ebola qızdırmasından ölənlərin sayı 149 nəfərə çatıb.
Oxu.Az TASS-a istinadən xəbər verir ki, bu barədə ölkənin Rabitə və KİV İşləri üzrə Nazirliyi məlumat yayıb.
Təsdiqlənmiş yoluxma hallarının sayı 710 təşkil edir. Bundan əvvəlki məlumatda nazirlik 139 ölüm və 689 yoluxma halı barədə xəbər vermişdi.
Xəstəxanalarda Ebola virusuna yoluxmuş 324 nəfər müalicə olunur. Ölüm göstəricisi 21%, təmasda olanların izlənmə səviyyəsi isə 60,5%-dir.
Ebola qızdırmasının budəfəki yayılması mayın 15-də Konqo DR-in şərqində qeydə alınıb. Episentrin İturi əyaləti olduğu bildirilir. Qonşu Uqandada da Ebolaya yoluxma və ölüm halları mövcuddur.
Qaynar xətt:
(055) 224 12 12
