Martinikdə etirazlar davam edir: Sürücülər yolu bağladılar

Martinik adasında taksi sürücüləri və ticarətçilərdən sonra yük avtomobillərinin sürücüləri də bahalığa qarşı etiraz nümayişinə qoşulublar.

Oxu.Az Francetvinfo.fr portalına istinadən xəbər verir ki, yerli sakinlər adada yaşamağın həddən artıq çətin olmasından şikayətlənirlər.

Bununla yerli sakinlər yük avtomobilləri sürücülərinin tətilinə dəstək verərək, qiymət artımını pisləyiblər.

Yük avtomobilləri sürücüləri vəziyyət dəyişməzsə, tələblərini eşitdirmək üçün etirazlarını davam etdirəcəklərini söyləyiblər.

Qeyd edilir ki, səhiyyə sektoru da sentyabrın 26-da yeni tətillər planlaşdırıb.

Martinikdə etirazlar davam edir: Sürücülər yolu bağladılar

Xatırladaq ki, Martinik adasında etirazlar bir müddətdir ki, başlayıb. Sentyabrın 21-də paytaxtın bəzi rayonlarında komendant saatı tətbiq edilib.