Mayk Tayson döyüşdən öncə: "Qəddar qələbə olacaq"

Dünyanın ən bahalı döyüşü olaraq tarixə düşən Ceyk Pol - Mayk Tayson görüşündən öncə boks əfsanəsinin qısa videomüsahibəsi yayılıb.

Oxu.Az bildirir ki, jurnalistin suallarını cavablayan Mayk Tayson döyüşə tam hazır olduğunu bildirib.

"Hörmətsizliyə münasibətiniz necədir, o, daim təkrarlanaraq sizi daha şiddətli nəticə əldə etməyə təşviq edir?" sualına cavabında Tayson belə şeylərə əhəmiyyət vermədiyini və döyüşə kökləndiyini deyib.

Oyunla bağlı hansı nəticəni gözlədiyi barədə suala isə: "Qəddar qələbə", - cavabını verib.

Bundan sonra Tayson jurnalisti öpüb və uzaqlaşanda əynində alt paltarının olmadığı görünüb.

Xatırladaq ki, gərgin mübarizə şəraitində keçən döyüş Ceyk Polun 79:73 hesablı qələbəsi ilə yekunlaşıb.

Mayk Tayson və Ceyk Pol bu döyüşdən hərəsi təxminən 20 milyon dollar qazanacaqlar.