Bütün zamanların ən məşhur boksçularından biri kimi tanınan Mayk Tayson, Türkiyədə "Star TV"də yayımlanan "Tuzlu Kahve" serialında qonaq aktyor kimi iştirak edəcək.
Oxu.Az Türkiyə mediasına istinadən xəbər verir ki, bu barədə jurnalist Birsen Altuntaş bildirib.
Məlumata görə, Tayson ekran işində Buğra Gülsoyun həyat verdiyi Mehmet obrazının Amerika Birləşmiş Ştatlarından gələn dostu rolunu canlandırmağa hazırlaşır.
Rejissorluğunu Mustafa Kotanın etdiyi, ssenarisini isə Aslı Zengin, Banu Zengin Tak və Ece Yosmaoğlunun yazdığı "Tuzlu Kahve" öz aktyor heyətində təcrübəli sənətkarları bir araya toplayır.
Settar Tanrıöğen, Nevra Serezli, Nebahat Çehre və Hatice Aslan kimi tanınmış simaların yer aldığı serialda eyni zamanda Binnur Kaya, Şevval Sam, Buğra Gülsoy, Sarp Apak, Eda Ece, Nergis Kumbasar, Enis Arıkan, Yasemin Ergene, Cengiz Bozkurt və Ceren Moray kimi aktyorlar da kamera qarşısına keçir.
