Meloni Trampla qalmaqaldan sonra ABŞ ilə münasibətlər barədə danışdı

İtaliyanın Baş naziri Corcia Meloni ölkəsinin ABŞ ilə münasibətlərinin yenidən normal məcraya qayıdacağına ümid etdiyini bildirib.

Oxu.Az xəbər verir ki, bu barədə "RİA Novosti" məlumat yayıb.

"Verità" qəzetinin forumunda çıxış edən Meloni ABŞ Prezidenti Donald Trampla münaqişəni davam etdirmək niyyətində olmadığını deyib.

Qeyd edək ki, onlar arasında qalmaqal Trampın İtaliya telekanallarından birinə verdiyi müsahibədə Meloninin G7 sammitində onunla birgə şəkil çəkdirməsi üçün "yalvardığını", özünün isə ona yazığı gəldiyi üçün razılıq verdiyini söyləməsindən sonra yaranıb.

Daha sonra Meloni bu sözləri yalan adlandırıb. Buna cavab olaraq Tramp bildirib ki, artıq Meloni reytinqlərini yaxşılaşdırmaq naminə yenidən ABŞ ilə "dostlaşa" bilməyəcək.