Monqolustanda etirazçılar paytaxtın mərkəzi prospektini bağladılar

Monqolustan hökumətini hava kirliliyi və işsizliklə mübarizə apara bilməməkdə ittiham edən etirazçılar paytaxt Ulan-Batorun əsas prospektini bağlayıblar.

Oxu.Az xəbər verir ki, bu barədə TASS məlumat yayıb.

Ulan-Batorun əsas meydanında başlayan dinc piket nümayişə çevrilib.

Aksiya iştirakçıları paytaxtın mərkəzi prospektini bağladıqları üçün 15 avtobus marşrutu hərəkəti dayanıb.

Aksiyanın təşəbbüskarı və təşkilatçısı "Azadlıq Alyansı" partiyasıdır. Onun nümayəndələri hökuməti istefaya çağırır.