Niderlandda yüzlərlə fermer Hertogenbos şəhərində hökumətin ekoloji siyasətinə qarşı traktorlarla etiraz aksiyasına qatılıb.
Oxu.Az xəbər verir ki, bu barədə NOS telekanalı məlumat yayıb.
Etirazçılar yerli administrasiya binasının qarşısına toplaşaraq hökumətin beş quşçuluq təsərrüfatının lisenziyalarını ləğv etmək qərarına etiraz ediblər.
Əyalət administrasiyası azot tullantılarının normadan artıq olduğunu və bunun yaxınlıqdakı qoruğa mənfi təsir göstərdiyini bildirib. Qurum fermerlərin tullantıların azaldılması istiqamətində gördüyü tədbirləri yetərli hesab etmir.
Məlumata görə, etiraz aksiyası bir neçə magistral yolda tıxaclara və nəqliyyatın hərəkətində gecikmələrə səbəb olub.
Qaynar xətt:
(055) 224 12 12
