Olimpiadada təşkilatçılar Tacikistanla Tailandın bayrağını səhv salıblar

Parisdə keçirilən Yay Olimpiya Oyunlarında Tacikistanı təmsil edən Davlat Boltayev 92 kiloqram çəki dərəcəsində bürünc medal qazanıb.

Oxu.Az xəbər verir ki, idmançıların mükafatlandırma mərasimində Tacikistanın bayrağı əvəzinə Tailandın bayrağı qaldırılıb.

Qeyd edək ki, oxşar hal Parisdə təşkil edilən Olimpiya Oyunlarında ilk dəfə deyil ki, yaşanır. Belə ki, açılış mərasimində aparıcı səsləndirmə zamanı Cənubi Koreya komandasını Şimali Koreya komandası kimi təqdim etmişdi.