Pakistan "Taliban"ı ABŞ silahlarından istifadə etməkdə ittiham edir

Əfqanıstanda qalan ABŞ silahları Pakistanda terror aktları üçün istifadə olunur.

Oxu.Az "RİA Novosti"yə istinadən xəbər verir ki, bu barədə Pakistanın ədliyyə naziri Aqil Malik bildirib.

"Pakistanda Əfqanıstan torpaqlarından gələn və xüsusilə ABŞ-dən qalan silahlardan istifadə etməklə törədilən hadisələr baş verib", - Malikbildirib.

O, terrorçuların bu yaxınlarda Pakistanın qərbindəki Hayber-Paxtunxva əyalətinə hücumda ABŞ silahlarından istifadə etdiklərini qeyd edib.

Xatırladaq ki, daha əvvəl Pakistan hökuməti "Taliban"ı ölkə ərazisində möhkəmlənməyə və orada avanpost yaratmaq cəhdində ittiham edib.