Pakistanda hərbi nəzarət-buraxılış məntəqəsində baş verən partlayış nəticəsində 12-si hərbçi olmaqla azı 15 nəfər həlak olub.
Oxu.Az Rg.ru-ya istinadən xəbər verir ki, bu barədə Pakistan ordusunun yaydığı bəyanatda bildirilib.
İlkin məlumata görə, partlayış kamikadzenin idarə etdiyi avtomobilə yerləşdirilmiş partlayıcının işə salınması nəticəsində baş verib. Hücum Pakistanın şimal-qərbində, Əfqanıstanla həmsərhəd Xeybər-Paxtunxva əyalətində qeydə alınıb.
"Partlayış nəticəsində 12 hərbçi, iki polis əməkdaşı və bir dövlət qulluqçusu həlak olub", - deyə bəyanatda vurğulanıb.
Qaynar xətt:
(055) 224 12 12
