Pentaqon İranı husilərə dəstəyinə görə hədələdi

ABŞ müdafiə naziri Pit Heqset İrana sərt xəbərdarlıq edib və Yəmənin "Ənsar Allah" hərəkatından olan husi üsyançılarına hərbi yardım göstərdiyinə görə ağır nəticələrlə hədələyib.

Oxu.Az-ın məlumatına görə, bu barədə Pentaqon rəhbəri özünün "X" hesabında yazıb.

O vurğulayıb ki, ABŞ Tehranın üsyançılara göstərdiyi ölümcül dəstək haqqında dəqiq məlumatlara malikdir.

"İrana mesaj: biz husilərə göstərdiyiniz ölümcül dəstəyi görürük, tam olaraq nə ilə məşğul olduğunuzu bilirik. Siz ABŞ Silahlı Qüvvələrinin nəyə qadir olduğunu yaxşı bilirsiniz və siz xəbərdar edilmisiniz. Bizim seçəcəyimiz vaxtda və yerdə sizin üçün ağır nəticələr olacaq", - deyə o qeyd edib.