Rusiya prezidentinin mətbuat katibi Dmitri Peskov Fransa Prezidenti Emmanuel Makronun ailəsində baş verən şillə qalmaqalı ilə bağlı maraqlı açıqlama verib.
Oxu.Az-ın məlumatına görə, Peskov bu barədə VGTRK telekanalına müsahibəsində danışıb.
"Əgər qadın ərinə şillə vurursa, bu, heç vaxt səbəbsiz olmur. Amma bu, bizim işimiz deyil", - deyə o bildirib.
Peskov onu da qeyd edib ki, Emmanuel və Bricit Makronun ailə münasibətləri ictimai müzakirəyə çıxarılmamalıdır:
"Makron ailəsinin münasibətləri onların öz işləridir və bu cür məsələlər ictimaiyyət qarşısında müzakirə olunmamalıdır".
Xatırladaq ki, qalmaqallı hadisə mayın 26-da Vyetnamın Hanoy şəhərində prezident təyyarəsində baş verib: Fransanın brinci xanımı Bricit Makron təyyarədə həyat yoldaşı, prezident Emmanuel Makronun üzünə şillə vurub. Bundan sonra Bricit Makron təyyarədən enərkən Emmanuel Makronun ona uzatdığı kömək əlini də nümayişkaranə şəkildə rədd edib. Dodaqdan oxuyan ekspertlər həmin vaxt Fransanın birinci xanımının nə dediyini müəyyən edə biliblər. Bu anlar fotoqrafların obyektivlərinə tuş gəlib və qısa zamanda sosial şəbəkələrdə yayılaraq müzakirələrə səbəb olub.
