Poroşenkoya dövlətə xəyanətə görə sanksiyalar tətbiq edildi

Ukrayna Milli Təhlükəsizlik və Müdafiə Şurası ölkənin keçmiş prezidenti Pyotr Poroşenkoya qarşı sanksiyalar tətbiq edib və onu dövlətə xəyanətdə ittiham edib.

Oxu.Az xəbər verir ki, bu barədə iki mənbəyə istinadən forbes.ua məlumat verib.

"Milli Təhlükəsizlik və Müdafiə Şurası deputat və iş adamı Pyotr Poroşenkoya qarşı sanksiyalar tətbiq edib. Ehtimal olunur ki, söhbət "Vətənə xəyanət" maddəsindən gedir", - məlumatda bildirilir.

Poroşenkonun özü isə bildirib ki, o, Dövlət Təhqiqat Bürosuna fevralın 14-dən 28-dək tarixləri əhatə edən 15 çağırış vərəqəsi alıb.