Arvadı Poroşenkonu niyə məhkəməyə verib? – SƏBƏB

Ukraynanın keçmiş prezidenti, Ali Radada "Avropa Həmrəyliyi" fraksiyasının lideri Petro Poroşenkonun həyat yoldaşı Marina ərinin aktivlərini həbsdən qorumaq məqsədilə məhkəməyə birgə əmlakın bölgüsünə dair iddia ərizəsi təqdim edib.

Oxu.Az xəbər verir ki, bu barədə Avropa Həmrəyliyi Partiyasının Mətbuat Xidməti məlumat yayıb.

"Əmlak bölgüsünə dair iddia Poroşenko ailəsini Zelenskinin Petro Poroşenkonun Ukrayna Silahlı Qüvvələrinə yardımı və siyasi fəaliyyəti maliyyələşdirmək imkanını əngəlləmək cəhdlərindən qorumaq üçün birgə taktikadır", - deyə bəyanatda bildirilir.

Arvadı Poroşenkonu niyə məhkəməyə verib? – SƏBƏB

25 aprel, 16:30

Ukraynanın keçmiş prezidenti, Ali Radada "Avropa Həmrəyliyi" fraksiyasının lideri Pyotr Poroşenkonun arvadı Marina ərini əmlak bölgüsünə görə məhkəməyə verib.

Oxu.Az xəbər verir ki, bu barədə məhkəmənin məlumatlarına istinadən "Ukranews" nəşri məlumat yayıb.

"Marina Poroşenko 2025-ci il martın 27-də iddia qaldırıb. İddia ər-arvadın əmlakının bölünməsinə aiddir. İş iddianın qaldırıldığı Vinnitsa vilayətinin Krıjopolsk Rayon Məhkəməsinin yurisdiksiyasına aiddir", - deyə məlumatda bildirilir.

İşə aprelin 29-da baxılacağı qeyd olunur.

Xatırladaq ki, 2025-ci ilin fevralında Ukrayna Milli Təhlükəsizlik və Müdafiə Şurası Pyotr Poroşenkoya sanksiya qoyub. Mövcud məhdudiyyətlər çərçivəsində keçmiş dövlət başçısına müxtəlif ticarət əməliyyatları həyata keçirmək və xaricə pul köçürmək qadağan edilib.