Rusiyada məktəblinin çantasında olan poverbank partlayıb. Şagird möcüzə nəticəsində xəsarət almayıb.
Oxu.Az-ın verdiyi məlumata görə, bu barədə "112" "Telegram" kanalı xəbər verib.
Bildirilib ki, hadisə Perm şəhərində məktəblərin birində tənəffüs zamanı baş verib: Şagirdlərdən birinin çantasından qəfil tüstü çıxmağa başlayıb, qığılcım yaradıb və sonda partlayıb. Qorxmuş şagird alışan qadceti yerə atıb və ayaqları ilə tapdayaraq söndürməyə çalışıb. Lakin bunu edə bilməyib - alov çantada olan dəftərlərə, atlasa və kontur xəritələrə keçib.
Xoşbəxtlikdən, məktəbli xəsarət almayıb. Yanğını tez söndürmək mümkün olub.
Poverbank məktəblinin çantasında partladı: Rusiyalı şagirdin qorxu dolu anları
