Qəzzada içməli suyun 98%-i çirklənib

"Hazırda Qəzzada istifadəyə yararlı içməli su demək olar ki, qalmayıb".

Oxu.Az-ın verdiyi məlumata görə, bu barədə "Əl-Qahira əl-İxbariya" telekanalı məlumat yayıb.

Mənbələrin məlumatına görə, anklavdakı suyun 98%-i çirklənməyə məruz qalıb, bu isə bölgədə müxtəlif xəstəliklərin yayılmasına səbəb ola bilər.

Yeri gəlmişkən, Qəzzada səhiyyə sistemi də ciddi şəkildə zərər görüb. Telekanalın məlumatına görə, xəstəxanalar yalnız humanitar yardımla fəaliyyətini davam etdirir. Bu yardımlar indiyədək əsasən, Misir və İordaniya vasitəsilə çatdırılırdı. Lakin İsrailin Qəzza ilə sərhəddə bütün nəzarət-buraxılış məntəqələrini bağlaması və humanitar yüklərin girişini dayandırması vəziyyəti daha da ağırlaşdırıb.

Ekspertlər hesab edirlər ki, əgər humanitar yardımlar bərpa olunmasa, tibbi qurumlar maksimum iki həftə fəaliyyət göstərə biləcək.