Rusiyanın Konstansa (Rumıniya) şəhərindəki baş konsulu Rumıniyada "persona non grata" ("arzuolunmaz şəxs") elan edilib.
Oxu.Az-ın "Digi24" nəşrinə istinadən xəbərinə görə, bu barədə Rumıniya Prezidenti Nikuşor Dan Milli Müdafiə Ali Şurasının iclasından sonra keçirilən brifinqdə çıxışı zamanı məlumat verib.
"Ötən gecə iki vətəndaşın yaralandığı ciddi bir insident baş verdi və bütün məsuliyyət Rusiyanın üzərindədir. Rusiyanın Konstansadakı baş konsulu "persona non grata" elan edilib və Konstansadakı konsulluq bağlanacaq", - deyə o bildirib.
Xatırladaq ki, mayın 29-na keçən gecə Rumıniyanın Qalats şəhərində binalardan birinin damına PUA düşüb və yanğın baş verib. Səlahiyyətlilər iki nəfərin yaralandığını və təxminən 70 nəfərin təxliyə edildiyini bildiriblər. Rumıniya prokurorluğu hadisə ilə bağlı cinayət işi açıb. Daha sonra insidentlə əlaqədar Rusiya səfiri Vladimir Lipayev Rumıniya Xarici İşlər Nazirliyinə çağırılıb.
