Rumıniyada deputat həmkarının burnunu dişlədi

Mayın 21-də rumıniyalı deputat Dan Vılçan parlamentin iclası zamanı Liberal Partiyasından olan həmkarı Florin Romanın burnunu dişləyib.

Hadisə parlamentin foyesində baş verib. Deputatlar əvvəlcə əlbəyaxa olub, bir-biri ilə dava ediblər.

"O, məni adamyeyən kimi baş nahiyəmdən dişləməyə çalışdı və başımı aşağı salanda dizi ilə vurdu", - Roman bildirib.

Onun sözlərinə görə, bu, döyüş deyildi, hücum idi.

Vılçan da öz növbəsində təxribata məruz qaldığını, bundan sonra Romanın çiynindən tutduğunu, lakin onunla döyüşmədiyini deyib.

Mənbə: iz.ru