"Telegram" Rusiyada aprelin 1-dən etibarən tamamilə bloklanacaq.
Oxu.Az-ın xəbərinə görə, bu barədə "Baza" "Telegram" kanalı məlumat verib.
Bildirilib ki, "Roskomnadzor" bu tarixdən etibarən "Instagram" və "Facebook"a analoji olaraq messencerin tamamilə bloklanmasına başlayacaq. Bu tədbir bütün Rusiya ərazisində həyata keçiriləcək: tətbiq nə mobil şəbəkələr, nə də stasionar internet sistemlər vasitəsilə yüklənməyəcək.
"Roskomnadzor" bununla bağlı şərhində bildirib:
"Qurumun bu məsələ ilə bağlı daha əvvəl dərc olunmuş məlumata əlavə edəcək bir şeyi yoxdur".
