"Ukraynanın müdafiə qabiliyyətini gücləndirmək və lazım gələrsə, Ukrayna ərazisində qoşun yerləşdirmək üçün "Könüllülər koalisiyası" planlar hazırlayıb".
Oxu.Az-ın xəbərinə görə, bu barədə Böyük Britaniyanın Baş naziri Kir Starmer İcmalar Palatasında (parlamentin aşağı palatası) komitə rəhbərlərinin suallarını cavablandırarkən bildirib.
Onun sözlərinə görə, "Könüllülər koalisiyası" çərçivəsində ölkə liderlərinin iştirakı ilə siyasi proses və hərbi planlaşdırıcıların iştirakı ilə hərbi proses baş tutub.
"Biz deyirdik ki, havada, dənizdə və yerdə təhlükəsizliyin təminatı və Ukraynanın öz imkanlarının gücləndirilməsi üçün hərbi planlar hazırlamaq istəyirik. İndi bizim bu sferaların hər biri üçün hərbi planımız var. Bu, lazım gələrsə, quruda yerləşdirməni də nəzərdə tutur, lakin hazırda prioritet məsələ odur ki, biz ədalətli və davamlı sülhə nail ola biləcəyikmi", - deyə Kir Starmer qeyd edib.
