Ümumdünya Səhiyyə Təşkilatının (ÜST) ekspertləri və dünyanın aparıcı həkimləri belə nəticəyə gəliblər ki, antibiotiklərə qarşı davamlı bakteriyaların yaratdığı infeksiyalar 2050-ci ilə qədər 39 milyondan çox insanın həyatına son qoya bilər.
Oxu.Az bu barədə Lenta.ru-ya istinadən məlumat yayır.
ABŞ-nin Vaşinqton Ştatı Universitetinin professoru Steyn Follsetin sözlərinə görə, bəşəriyyət dərmanlara davamlı mikroblarla mübarizədə əhəmiyyətli irəliləyiş əldə etsə də, bu tərəqqi kifayət deyil.
O, superbakteriyaların yayılmasının narahatedici nəticəsini açıqlayıb.
Ekspertlərin hesablamalarına görə, antibiotiklərə qarşı davamlı bakteriyalar birbaşa və ya dolayı yolla hər il 8 milyon insanın həyatına son qoyacaq.
"Bu ssenarinin qarşısını almaq üçün təcili olaraq infeksiyaların inkişafının qarşısını almaq üçün yeni strategiyalar hazırlamalıyıq", - deyə Follset vurğulayıb.
Ekspertlər ÜST mütəxəssisləri, BMT-nin 204 üzv ölkəsinin müvafiq qurumları tərəfindən toplanmış superbakteriyaların yayılması haqqında məlumatlardan istifadə edərək, davamlı mikrobların yayılmasının qarşısını almaq üçün mövcud və hazırlanan tədbirləri nəzərə almaqla xəstəlik partlayışlarının tezliyinin necə dəyişəcəyini qiymətləndiriblər.
Alimlərin fikrincə, proqnozlaşdırılan ölüm hallarının sayını azaltmaq olar, əgər infeksiyaların sürətlə yayılmasının qarşısını alan dərmanlar və ya yanaşmalar, məsələn, qram-neqativ bakteriyalara qarşı yeni antibiotiklər yaradılarsa.
Rəylər