Tailandda avtobus ağaca çırpıldı: 10-a yaxın ölü

Tailandda avtobusun ağaca çırpılması nəticəsində azı səkkiz nəfər ölüb.

Oxu.Az xəbər verir ki, bu barədə "Khaosod" qəzeti məlumat yayıb.

Qeyd olunur ki, qəza yerli vaxtla saat 19:30-da (Bakı vaxtı ilə 16:30) Suratthani əyalətində baş verib. Avtobusda 30 sərnişin olub.

Yeni il bayramı günlərində beş gün ərzində Tailandda yol qəzalarında ölənlərin sayı 215 nəfərə çatıb, 1,3 mindən çox insan xəsarət alıb.

İnsidentlərin əksəriyyəti motosikletçilərin iştirakı ilə baş verib.